|
 |
|
| Un reino e unha búsola
Está moi repetido, mais é certo: Primeiro foi o mar. O mar do Valadouro. Auga e pedra definen o que é o noso País. Cando o mar emigrou, debeu ser ben difícil afacerse. Aprender a cazar na Veiga Rubia, no Chao da Cabalar, agachado detrás dunha abelaira. En troca, agora un séntese feliz na alta serra, onde resiste o lobo.
Mares inaugurais, pedras inaugurais. O comezo dos tempos. As pedras na cabeza. A raza creadora. Rumbando a búsola nun mar imaxinario. |
|
 |
|
|
|
|
|
| Naceu en Caracas en 1977 e medrou en Compostela, cidade onde se licenciou en Filoloxía Hispánica e residiu ata 2002, cando se mudou a Madrid para estudar Imaxe Dixital e Edición de Libros. Traballou como colaboradora editorial e redactora e actualmente exerce como profesora. Como poeta deuse a coñecer a través de revistas como Andaina, Dorna ou PolpA, baixo o pseudónimo de Nana Coromoto. |
|
 |
|
|
|
|
|
| Experto en Cine e Teatro pola Universidade da Coruña que naceu na cidade herculina en 1979. Participou no seminario de escrita impartido por Manuel Lourenzo e foi guionista das series Pratos combinados e As leis de Celavella, traballo polo que recibiu o Premio Mestre Mateo 2005 ao Mellor Guión. |
|
 |
|
|
|
|
|
| Naceu en Ourense no ano 1981. No taller de artes prásticas do colexio Manuel Peleteiro (Santiago de Compostela) comezou a desenvolver a súa creatividade, e obtendo varios premios no Certame Xuvenil de Artes Plásticas de Galicia nas categorías de pintura e ilustración.
Estudou Deseño Gráfico e Multimedia en ESI (A Coruña) durante tres anos. Traballa como deseñadora gráfica e web freelance. |
|
 |
|
|
|
|
| Banda deseñada. José Santos |
|
|
| Naceu en Rial (Porto do Son, A Coruña) e tivo o primeiro contacto co mundo da BD no seu instituto, onde realizou algúns traballos e participou na revista do centro. Cursou Ilustración na escola Pablo Picasso e comezou a mandar os seus deseños a diversos concursos.
Resultou premiado no I e II Certame de Banda Deseñada OMIX Valadouro e conseguiu un accéssit no concurso Tiras Contra o Sexismo, organizado polo Concello da Coruña. |
|
 |
|
|
|
|
| Entrevista. Xerardo Neira |
|
|
| Naceu en Santiago de Compostela (A Coruña) en 1978. Licenciado en
Bioloxía pola Universidade de Santiago de Compostela, é colaborador habitual
de "Descubrir", suplemento de ciencia e historia do xornal Galicia Hoxe. Neste ano 2006, coa obra O Rei dos Lobos, resultou gañador no V Certame Literario de Relato de Aventuras Antón Avilés de Taramancos, convocado polo Concello de Noia. Máis recentemente, Da Terra de Deus valeulle para conseguir o I Premio de Novela Curta do Concello do Valadouro. |
|
 |
|
|
|
|
| Entrevista. Susana Pardiñas |
|
|
| Naceu o 2 de xaneiro do 1979 en Alfoz (Lugo). De cativa gañou algúns premios literarios e agora, de maior, aínda que segue escribindo, garda eses pensamentos para ela. Quén sabe se ao mellor algún día os publica. Estudou Periodismo en Madrid e na actualidade é xornalista na Televisión de Galicia. Ademais, colabora coa empresa de deseño KS Deseño e Comunicación. |
|
 |
|
|
|
|
| Historia. Prudencio Viveiro |
|
|
| Naceu na parroquia de Moucide (O Valadouro, Lugo) en 1974. Licenciado en Xeografía e Historia pola Universidade de Santiago de Compostela (1997), presentou a súa tese de licenciatura (Os comezos da Administración liberal na provincia de Lugo), dirixida polo profesor Ramón Villares, en maio de 2000. É autor do volume Política, eleccións e fidalgos. O réxime do Estatuto Real na provincia de Lugo, 1834-1836 (Ediciós do Castro, 2004). Traballa como documentalista no Arquivo da Emigración Galega, centro de documentación do Consello da Cultura Galega. |
|
 |
|
|
|
|
|
| Naceu en Xixón en 1972 e viviu en Foz (Lugo), onde actualmente reside a súa familia, entre 1978 e 1990. En 1990 regresou á súa cidade natal e alí cursou a carreira de Enxeñería Industrial, rematada en 1997, pola que obtivo o Primeiro Premio Nacional nos devanditos estudos concedido polo Ministerio de Educación.
Dende 1998 exerce como enxeñeiro no Departamento de Electrónica do Instituto de Astrofísica de Canarias (IAC), en La Laguna, dentro da Área de Instrumentación. |
|
 |
|
|
|
|
|
| Banda de música que naceu a mediados do ano 2002 na Coruña. Os primeiros compoñentes do grupo foron David (baixo), Charlie a.k.a. "Dr. Ska" (guitarra), Brais (batería), Dani (saxo) e Iago (trombón). Ao pouco tempo uniuselles Diego (voz) e os últimos en incorporarse foron Mariana (voz), Antonio (trombón), Lourenzo (trombón) e Ramón (teclista). A banda, dende un principio, fíxose cunha finalidade e mentalidade músical dirixidas cara ao ska 60´s e o rocksteady. |
|
 |
|
|
|
|
